《倒淌》

大院冇有人知晓倒淌大师嘅床放喺工作室大门口左侧嘅真相？

关键係躝喺度听住外面嘅脚步声，知道要开门俾边个。床底個把尿壶，有一半经已黄黚黚。佢曾建议俺：“市区塞车犀利得滞，你都係摆返个尿壶喺车上备用好啵，佢嘅口径简直就喺为你量身定造，10蚊啫嘛。呢样喺我之前跌断脚个时最重要最有价值嘅发现。又或者似电工工具袋咁孭喺屎仏后边，有型有款。关键喺俾矿泉水樽嘅size更适合，歪锅配歪灶先至啱嘅嘛。”

2014年, 告别了活化石旧院，搬到大学城新址。倒淌大师经已44岁了。除咗眉毛係黑嘅，头发胡须都零星带啲花白了。新工作室嘅门匙俾到手后，眼湿湿，半日讲唔出一句说话。

新嘅工作室面积160個方，高八米，旁边做个阁楼。繁重嘅工作点都要有个地方休息嘅。于是乎佢使咗90蚊买咗张旧矮帆布单人折叠床。中空悬吊住佢执返嚟嘅来佬货马口铁皮盒整嘅Nike标志。佢崇拜蓝球巨星科比。行街时买咗两个科比玩具公仔，一只俾愚院长，一只摆床头边。佢嘅小腿同NBA巨星死神杜兰特一样细，斋得啲肌肉包住嚿骨头似只鹿咁thin。

大师细個阵时阿爸同個姐姐仔拍拍屎仏走去咗纽约，之后就冇返过嚟了。俗语话，冇老窦就穷，俩仔乸捱咗好几年番薯。所以佢对阿爸嘅评价唔係咁高。

虽然阿妈用锅铲追住佢柄过佢一锅，但凡事情好丑佢都会同阿妈一齐分享。阿妈后生嗰时好标青，臂展奇长。少数民族文化形成嘅性格，原始淳朴，相当有吸引力。人靓声甜，翳人办事亦易话为，上咗年纪之后日子就似苦瓜捞牛肉咁，越捞越缩。

佢同阿妈喺新工作室做规划布置，地面用粉笔标注成个羽毛球场咁嘅分割线。冇几耐工作室行起来冚唪唥係障碍物，塞满晒嘢。人哋一眼睇落去都係烂铜烂铁。佢喺都要搞综合艺术。好嘛！好彩唔係古董亦冇超级细菌。话之你啦！佢阿妈起势赞：“愚院冇特权思想，工作室同你一样大小喔。佢简直就係布尔什维克！或者党需要佢喺外围，确实喺上级派嚟领导我哋嘅。”

大师从入院直至今日或是即将退休，都冇晋升过职称，可以算得上院唯一嘅大宝贝。佢谂法比较特别，佢觉得哩个世界简单啲比较好，最怕就係同人争，唔争就唔会有战争，天下太平。所以佢决定哩世人就做个“泥水佬”，闩埋道门，斋一个人搓泥捻泥，话之你哋喺出边为工程为职称为乜乜乜“讲数”又好，“开片”又好，饱唔死，饿唔亲，够简单了呱！年过半百同靓女喺村口嘅公园仔拍拖，模仿莫奈睡莲嘅小桥上吃豆腐，左噒右噬。完全忽视冇车冇楼呢嗰“刚需”。佢唔玩抖音唔哨街。25方嘅大单间，间個阁楼，无需为车房贷闭翳。AA制嘅二人世界过得滋滋油油，俾鬼佬仲梳芙。

一日仨个大龄文艺青年嚟淌平工作室游荡。佢哋㶶埋块面，成个隔夜煎堆咁冇嚟神气，认真苦瓜焖鸭，苦过弟弟囖。坐低之后成廿零分钟都冇笑容。世间上边处有唔食饭嘅神仙啊？家下呢個行业大环境，搵餐晏仔都做到只积咁都算了，弊在拆條龙船都分唔到一眼钉。交流结束后四條友係一樖龙眼树下合影留念。夕阳透过树叶印喺佢哋嘅身上。

工作室向西，晏昼晒死人，光线埕眼，個张折叠床睇落的确有啲寒酸，摆室内任何地方都唔掂。室内面积又大，如果匿喺休息室，有领导或保安敲门嚟查房昧白云山撞雨，冇得避？谂嚟度去，门后面，啱好有个窄窄长长嘅地方，呢度离窗远，门旯近走廊都有些少风入嚟，掂过碌蔗！

床摆喺呢处大关系正确，无非寒酸落泊，你有你乾坤，我有我日月，瞓係门后扂过搞艺术到位。[抱拳、抱拳、抱拳］

俞畅雕塑管控中心2021年6月